Primate of the Eastern Diocese H.E. Abp. Khajag Barsamian Celebrant at St. Leon Armenian Cathedral Primate of the Eastern Diocese H.E. Abp. Khajag Barsamian Celebrant at St. Leon Armenian Cathedral- Western Diocese of the Armenian Church
Primate of the Eastern Diocese H.E. Abp. Khajag Barsamian Celebrant at St. Leon Armenian Cathedral
Published - 22 July 2016

His Eminence Archbishop Khajag Barsamian, Primate of the Eastern Diocese of the Armenian Church of North America celebrated the Divine Liturgy at St. Leon Armenian Cathedral on Sunday, July 17, 2016.

With the Diocesan Primate Archbishop Hovnan Derderian presiding, His Eminence Archbishop Vatche Hovsepian, His Grace Bishop Abgar Hovakimyan, Primate of the Diocese of the Armenian Church of Canada and His Grace Bishop Hovnan Hakobyan, Grand Sacristan of the Mother See of Holy Etchmiadzin, the Very Rev. Fr. Dajad Dz. V. Yardemian, Archpriest Fr. Dr. Zaven Arzoumanian, Archpriest Fr. Sipan Mekhsian and the Rev. Fr. Nerses Hayrapetyan participated in the service.

Assisting Archbishop Barsamian at the Holy Altar were the Rev. Fr. Mikayel Kyureghyan, the Rev. Fr. Khajag Shahbazyan, and the Cathedral’s Deacons.

Prior to the celebrant bishop’s homily, the Primate introduced Archbishop Barsamian to the parishioners, noting his vast contributions in the Eastern Diocese for over 25 years and his valuable role as an esteemed member of the Supreme Spiritual Council. Archbishop Derderian also introduced the guest bishops to the congregants, thanking the high-ranking clergymen for their cordial presence at the service.

Following the Divine Liturgy, a reception was held in the Hampar Family Room of the Western Diocese in honor of the celebrant and guest bishops.

ԹԵՄԱԿԱԼ ԱՌԱՋՆՈՐԴ ՍՐԲԱԶԱՆ ՀՕՐ ՀՐԱՒԷՈՎ
ԿԻՐԱԿԻ, ՅՈՒԼԻՍ 17ԻՆ ՍՐԲՈՑ ՂԵՒՈՆԴԵԱՆՑ ՄԱՅՐ ՏԱՃԱՐԻՆ ՄԷՋ
ԿԸ ՊԱՏԱՐԱԳԷ ԵՒ ԿԸ ՔԱՐՈԶԷ ԳԵՐՇ. Տ. ԽԱԺԱԿ ԱՐՔԵՊԻՍԿՈՊՈՍ ՊԱՐՍԱՄԵԱՆ

    Կիրակի, Յուլիս 17ի առաւօտեան ժամը 10:00ին Առաջնորդանիստ Սրբոց Ղեւոնդեանց Մայր Տաճարին մէջ Առաջնորդ Սրբազան Հօր հանդիսապետութեամբ սկսաւ ժամերգութիւնը, որուն մասնակցեցան Գերշ. Տ. Վաչէ Արքեպիսկոպոս Յովսէփեան, Գերշ. Տ. Աբգար Եպիսկոպոս Յովակիմեան, Գերշ. Տ. Յովնան Եպիսկոպոս Յակոբեան, Հոգշ. Տ. Տաճատ Ծ. Վրդ. Եարտըմեան, Դոկտ. Արժ. Տ. Զաւէն Աւագ Քհնյ. Արզումանեան, Արժ. Տ. Սիփան Աւագ Քհնյ. Մխսեան, Արժ. Տ.Միքայէլ Քհնյ. Կիւրեղեան եւ Արժ. Տ. Ներսէս Քհնյ. Հայրապետեան:
    Օրուան Սուրբ Պատարագը մատուցեաց Գերշ. Տ. Խաժակ Արքեպիսկոպոս Պարսամեան: Սուրբ Սեղանին սպասարկեցին  Ծուխի Հոգեւոր Հովիւ՝ Արժ. Տ. Խաժակ Քհնյ. Շահպազեան եւ Արժ. Տ. Միքայէլ Քհնյ. Կիւրեղեան:
    «Հայր Մեր»էն առաջ Թեմակալ Առաջնորդ՝ Գերշ. Տ. Յովնան Արքեպիսկոպոս Տէրտէրեան հաւատացեալներուն ներկայացուց Գանատահայոց Թեմի Առաջնորդ՝ Գերշ. Տ. Աբգար Եպիսկոպոս Յովակիմեանը, որ ծառայած էր Վրաստանի Հայոց Թեմի, ինչպէս նաեւ Պուլկարիոյ մէջ եւ երկու տարիներէ ի վեր Առաջնորդն էր Գանատահայոց Թեմի:
    Սրբազան Հայրը ներկայացուց նաեւ Մայր Աթոռ Սուրբ Էջմիածնի Լուսարարապետ՝ Գերշ. Տ. Յովնան Եպիսկոպոս Յակոբեանը, որ ամենայն ձեռնհասութեամբ կը կատարէր իրեն վստահուած կարեւոր պաշտօնը: Իր գլխաւորութեամբ պատրաստուած էին Հռոմի Քահանայապետ՝ Նորին Սրբութիւն Ֆրանսիսկոս Պապի Մայր Աթոռ կատարած այցելութեան ընթացքին գործածուած արարողակարգերու տպուած գրքոյկները:
    Սրբազան Հայրը աւելի մանրամասնութեամբ ներկայացուց Պատարագիչ՝ Հայց. Եկեղեցւոյ Արեւելեան Թեմի Առաջնորդ՝ Գերշ. Տ. Խաժակ Արքեպիսկոպոս Պարսամեանը: Սրբազան Հայրը շեշտեց, որ Գերշ. Տ. Խաժակ Սրբազան առաջնորդական իր հոգեւոր եւ վարչական բոլոր պարտականութիւններու կողքին երկար տարիներէ ի վեր անդամ է նաեւ Մայր Աթոռ Գերագոյն Հոգեւոր Խորհուրդին, ուր իր գործօն ծառայութեան բաժինը կը բերէ: Յատկապէս շեշտեց նաեւ, որ Սրբազան Հայրը Մայր Աթոռի կապն ու միջնորդը կը հանդիսանայ Վատիկանի եւ Հռոմի Քահանայապետներուն միջեւ եւ 2001 թուին Հայ  Ժողովուրդի Քրիստոնեայ դառնալու 1700ամեակի առթիւ, իր ջանքերուն շնորհիւ Հռոմի Սրբազան Քահանայապետը իր անդրանիկ այցելութիւնը շնորհեց Մայր Հայրենիք եւ Մայր Աթոռ Սուրբ Էջմիածին: Ապա հրաւիրեց Սրբազան Հայրը, որ իր հոգեւոր պատգամը փոխանցէր հաւատացեալներուն:
    Գերշ. Տ. Խաժակ Արքեպիսկոպոս Պարսամեան նախ իր երախտագիտութիւնը յայտնեց Առաջնորդ Սրբազան Հօր, որ իրեն առիթը ընծայած էր Մայր Տաճարին մէջ Պատարագելու, որուն Օծման ինք եւս մասնակցեցաւ Ամենայն Հայոց Կաթողիկոսի գլխաւորութեամբ: Շեշտեց Սուրբ Պատարագի միջոցաւ միասնաբար աղօթելու եւ մեր գոհունակութիւնը յայտնելու Երկնաւոր Հօր՝ Իր տուած բոլոր բարիքներուն համար: Ապա նկատի ունենալով, որ նախորդ օրը Հայց. Եկեղեցին կը տօնախմբէր Սուրբ Գրիգոր Լուսաւորչի Որդիներուն եւ Թոռներուն Տօնը, ուրախութեամբ յայտնեց, թէ Հայց. Ժողովուրդը Քրիստոսի Սուրբ Թադէոս եւ Սուրբ Բարթողիմէոս Առաքեալներու միջոցաւ ընդունեց Քրիստոսը որպէս Աստուծոյ Միածին Որդին եւ Փրկիչը, ապա չորրորդ դարուն Սուրբ Գրիգոր Լուսաւորչի եւ Տրդատ Թագաւորի ջանքերուն շնորհիւ Հայաստան Քրիստոնէութիւնը հռչակեց որպէս Պետական Կրօն: Հաւատքի եւ ծառայութեան ոգին շարունակուեցաւ մինչեւ Հինգերորդ Դար, երբ Սուրբ Մեսրոպ Մաշտոցի կողմէ երկնայիսն տեսիլքով ստեղծուեցան հայերէն տառերը եւ Սուրբ Գիրքը թարգմանուեցաւ Գրաբար Հայերէի:           
    Սրբազան Հայրը կոչ ուղղեց հաւատացեալներուն, որ մեզի ժառանգ հասած եկեղեցական եւ ազգային ոգին միշտ կենդանի պահենք մեր հոգիներուն մէջ եւ նոյն ոգիով դաստիարակենք մեր ներկայ եւ ապագայ սերունդները:
    Մեծ թիւով հաւատացեալներ Սուրբ Հաղորդութիւն ստացան Պատարագիչ Սրբազան Հօր, Գերշ. Տ. Աբգար Եպիսկոպոս Յովակիմեանի եւ Գերշ. Տ. Յովնան Եպիսկոպոս Յակոբեանի ձեռամբ:
    Սուրբ Պատարագի աւարտի Առաջնորդ Սրբազան Հօր Հանդիսապետութեամբ կատարուեցաւ Հոգեհանգստեան Պաշտօն:


ՀԻՒՐԱՍԻՐՈՒԹԻՒՆ ԱՐՄԷՆ ՀԱՄԲԱՐ ԴԱՀԼԻՃԻՆ ՄԷՋ

    Սուրբ Պատարագի աւարտին Առաջնորդարանի Արմէն Համբար Դահլիճին մէջ տեղի ունեցաւ հիւրասիրութիւն, որ կազմակերպուած էր Մայր Տաճարի Զուարթնոց Մշակութային Յանձնախումբի կողմէ՝ գլխաւորութեամբ Տիկին Լենա Սիմոնեանի:
    Առաջնորդ Սրբազան Հօր հրաւէրով Գերշ. Տ. Աբգար Եպիսկոպոս Յովակիմեան եւ Գերշ. Տ. Յովնան Եպիսկոպոս Յակոբեան իրենց ողջոյնի խօսքը ուղղեցին հաւատացեալներուն, իսկ սեղաններուն օրհնութիւնը կատարեց Գերշ. Տ. Խաժակ Արքեպիսկոպոս Պարսամեան: 
    Հիւրասիրութեան աւարտին, հաւատացեալները հոգեկան մխիթարութեամբ բաժնուեցան Առաջնորդարանէն:

 

 

Print