Արեւմտեան Թեմի Հարիւրամեայ Պատմութեան Դրուագներ Նորայր Պօղոսեանի Հետ

Կալիֆորնիայի հայոց առաջին ծխական համայնքը ձեւաւորուել է Ֆրեզնոյում։ Առաջին հոգեւոր արարողութիւնը տեղի է ունեցել 1883 թ. սեպտեմբերի 17-ին՝ Ֆրեզնոյի բողոքական Առաջին միաբանական եկեղեցում։
Ծուխի առաջին հոգեւորականն էր Ահարոն Քհնյ. Մելքոնեանը։ 1902 յունիսից Ֆրեզնոյի Ս. Երրորդութեան հովիւ Տ. Սահակ Քհնյ. Նազարէթեանը ծուխի անդամների տները շրջում էր հեծանիւով։

Լուսանկար - Ֆրեզնոն 1890-ական թուականներին, ուր հաւաքւում էին Կալիֆորնիայի առաջին ներգաղթեալ հայերը, եւ ուր հիմնադրուեց անդրանիկ՝ Ս. Երրորդութիւն Հայց. Եկեղեցին։