Սույն թվականի օգոստոսի 17-ին Նորթ Հոլիվուդի հայ համայնքում տոնախմբվեց Սբ․ Աստվածածնի Վերափոխման տոնը։ Տոնին մասնակցելու էին եկել հարյուրավոր հավատացյալներ։ Օրվա պատարագիչն ու քարոզիչն էր Նորթ Հոլիվուդի Հոգևոր Մատակարար Տ․ Նժդեհ քահանա Քեշիշյանը։ Հավարտ պատարագի կատարվեց Խաղողօրհնեքի կարգ։ Ապա ներկա երեխաները հրավիրվեցին հատուկ նախապատրաստված խաղերի, իսկ մեծահասակաները՝ վայելեցին հյուրասիրությունը։

Օգոստոսի 18-ի առավոտյան Նորթ Հոլիվուդի Հոգևոր Մատակարար Տ․ Նժդեհ քահանա Քեշիշյանը, ուղեկցությամբ՝ Առաջնորդի Խորհրդատու Մարմնի Ատենապետ Տիար Մանուկ Խաչատրյանի, այցելեց  Healthy Solutions Adult Day Health Care  և Best CBAS մեծահասակների առողջապահական կենտրոններ։ Առողջապահական կենտրոններում Տեր Նժդեհը և Տիար Մանուկ Խաչատրյանը հնարավություն ունեցան հանդիպուներ ունենալու բուժառուների հետ, զրուցելու և շնորհավորելու նրանց Աստվածամոր Վերափոխման տոնի հրաշալի առիթով։ Հարգելի հյուրերն իրենց հետ տարել էին նաև Առաջնորդարանից ընծայաբերված խաղող, որը միախառնեցին արդեն պատրաստված խաղողին և Տեր Նժդեհը Խաղողի օրհնության կարգ կատարեց։  Ապա Տեր Հայրը շնորհավորեց բոլոր ներկաներին քրիստոնյաների Մայր՝ Աստվածամոր տոնի խորհրդով։