St. Leon Church "Sound of Children" Summer Camp Click Here to lean more
Սեպտեմբերի 25-ին «Կրօնները յանուն խաղաղութեան» միջազգային միութեան ընտրեալ ընդհանուր քարտուղար պրոֆ. Ազզայ Քարամը եւ գործող ընդհանուր քարտուղար Հայր Կ'եօիշի Սուգինոն պաշտօնական գրութեամբ ծանուցել են Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսին, որ օգոստոսի 20-23-ը Գերմանիայի Լինդաու քաղաքում տեղի ունեցած «Կրօնները յանուն խաղաղութեան» 10-րդ համաշխահային համաժողովի ընթացքում Վեհափառ Հայրապետն առաջադրուել եւ աշխարհի 125 երկրներ եւ տարբեր կրօնական համայնքներ ներկայացնող 700 պատուիրակների կողմից ընտրուել է միութեան պատուաւոր նախագահ:
«Կրօնները յանուն խաղաղութեան» համաշխարհային միութիւնը կազմուած է տարբեր կրօնական առաջնորդների համաշխարհային խորհրդից, վեց տարածաշրջանային միջկրօնական մարմիններից եւ 90-ից աւելի ազգային մարմիններից, ինչպէս նաեւ մի շարք միջկրօնական երիտասարդական միութիւններից` նպատակ ունենալով յանուն խաղաղութեան աշխարհի տարբեր կրօնական համայնքների արդիւնաւէտ համագործակցութեան տեսլականով նպաստել դրանց միջեւ փոխգործակցութեան ձեւաւորմանը, համաշխարհային, տարածաշրջանային եւ տեղական մակարդակներում խաղաղութեան եւ համընդհանուր բարեկեցութեան հաստատմանը:
