Տարեկան Աւանդական Ջրօրհնէքի Արարողութիւն “Glendale Adventist” Հիւանդանոցի Մէջ
Published - 10 January 2018

Տարիներու աւանդութեան համաձայն Արեւմտեան թեմի Առաջնորդը՝ հոգեւորական դասի ընկերակցութեամբ իրենց հետ կը բերեն Ծննդեան Բարի Աւետիսը տեղական հիւանդանոցներուն մէջ:

Ուրբաթ 5 Յունուար, 2018-ին, մեծ ներկայութեամբ, ներառեալ հիւանդանոցի անձնակազմը, եւ այցելու անդամները հաւաքուեցան “Glendale Adventist” հիւանդանոցի ընդունելութեան սրահին մէջ, ուր Հիւսիսային Ամերիկայի Առաջնորդ՝ Յովնան Արք. ՏէրՏէրեան, կատարեց Ջրօրհնէքի արարողութիւնը: Սրբազան Հօրը նաեւ կ՛ուղեկցէին Տ. Յովսէփ Ա. Քհնյ. Յակոբեան եւ Տ. Վազգէն Քհնյ. Մովսէսեան:

Արարողութեան ներկան գտնուեցան Կլէնտեյլի քաղաքապետ՝ Վարդան Կարապետեան եւ քաղաքապետարանի ժողովի անդամներէն՝ Փաուլա Տիվայն եւ Վրէժ Աղաճանեան:

Հայկական աւանդութեան համաձայն, Յիսուսի Ծննդեան եւ Աստուածայայտնութեան տօնը չէ որ կը յիշատակենք միայն, այլեւ Յիսուսի մկրտութիւնն ալ կը տօնենք: Ջրօրհնէքը արարողութիւնը կը խորհրդանշէ Քրիստոսի մկրտութիւնը: 

Print