Գրական յատուկ երեկոյ նուրիուած Թ.Մ.Մ. աւելի քան 70 տարիներու ազգաշէն գործունէութեան եւ բանաստեղծ Վահան Թէքէեանի գրական հարուստ ժառանգութեան
Published - 15 March 2019

Թեքէեան Մշակութային Միութեան Լոս Անճըլըսի Մասնաճիւղին կազմակերպած այս ձեռնարկը, մասնակցութեամբ Թ.Մ.Մ. Մեծն Լոս Անճըլըսի մասնաճիւղին, տեղի ունեցաւ Կիրակի, Մարտ 10, 2019, Կլէնտեյլի Կեդրոնական Գրադարանի հանդիսասրահին մէջ:

Ձեռնարկին հանդիսավարն էր Բարսեղ Գարթալեան: Ելոյթ ունեցան տոքթ. Գրիգոր Ատանալեան նւիթ ունենալով Թ.Մ.Միութեան աւելի քան 70 տարիներու ազգաշէն գործունէութիւնը եւ բանաստեղծուհի Թամարա Յովհաննիսեան նիւթ ունենալով Վահան Թէքէեան Գրագէտն ու Բանաստեղծը:

Սոյն ձեռնարկին ներկայ գտնուեցաւ Տ. Մանուկ Աւագ Քհնյ. Մարգարեան, որ ներկայացուց Առաջնորդ Սրբազան Հայրը եւ շնորհաւորանքներ ու բարի մաղթանքներ փոխանցեց կազմակերպիչ յանձնախումբին:  

Print