Requiem Service Held at Diocesan Parishes for the Legendary Charles Aznavour 
Published - 10 October 2018

On Sunday, October 7, 2018, parishes across the Western Diocese held a Requiem Service (Hokehankist) for the late Charles Aznavour, who entered his eternal rest on October 1st. 

"Blessed is the memory of the righteous." 

ՇԱՌԼ ԱԶՆԱՒՈՒՐ

Քիչ անգամ աշխարհը կը հանդիպի արուեստագէտներու, ովքեր տասնամեակներ շարունակ կը գրաւեն հոգիները իրենց արուստի բացառիկ դրսեւորումներով:

Շառլ Ազնաւուր, հայազգի այն մեծագոյն արուեստագէտն է, որ իր իւրայատուկ դրոշմը կը թողու սերունդներու հոգիներուն մէջ իր ստեղծագործական բեղուն առաքելութեամբ: Մեծանուն արուեստագէտը իր բազմատաղանդ ներդրումներով դարձաւ փառքն ու պատիւը ոչ միայն մեր ազգի, Հայրենիքի ու Եկեղեցւոյ համար, այլեւ աշխարհը զինք ընդունեց ու գնահատեց, որպէս անկրկնելի ու հրաշագործ անձը, որ երգեց սիրոյ մասին, իր երգով յեղաշրջեց կեանքեր, որպէսզի մարդկութիւնը ապրի խաղաղութեան ու գեղեցկութեան ձգտումներով:

Մենք դեռեւս մեր մանկութեան տարիներէն վայելեցինք իր բացառիկ երգարուեստը, բանաստեղծականութիւնը, Հայրենիքի հանդէպ իւրովի նուիրումն ու ծառայական ոգին: Ան իր կեանքի ճանապարհը դարձուց օրհնութիւն բոլորիս համար: Քանիցս ներկայ գտնուեցանք իր համերգներուն եւ ականատեսը դարձանք այն անսահման սիրոյն ու ակնածանքին, ինչը մարդկութիւնը տածեց իր նկատմամբ: Իր անձին մէջ ան մարմնաւորեց համամարդկային արժէքները եւ սերունդներ պիտի յիշեն Ազնաւուրը, որպէս անկրկնելին իր երգարուեստով:

Այսօր խոնարհումով կը յիշենք անմահն Ազնաւուրը եւ կ՚աղօթենք առ բարին Աստուած, որ երկնային լուսեղէն օթեւաններու մէջ հանգչեցնէ անոր հոգին: Իր բարի օրինակը, անզուգական կերպարը անտարակոյս դեռ երկար ժամանակ պիտի ներշնչէ անթիւ սերունդներ:

Աշխարհն այսօր բուռն կերպով կը ծափահարէ իր վաստակը: Թող գալիք սերունդներուն մէջ ծնունդ առնեն համակ արուեստով հարուստ հայազագի հերոսներ, ովքեր իրենց մէջ հպարտութեամբ պիտի կրեն ազգիս պատկանած ըլլալու ազնիւ զգացումները:

Թող յաւէտ ապրի Շառլ Ազնաւուրը բոլորիս հոգիներուն մէջ: Կեանք մը բաւական չէ լիովին ճանչնալու համար մեծանուն Արուեստագէտ՝ Շառլ Ազնաւուրը:

Յովնան Արքեպիսկոպոս

Առաջնորդ

Պըրպէնք, Հոկտ. 6, 2018

Print