Խաչատուրեան Դ. Դաս Երգչախումբի Հիմնադրութեան 40-րդ Տարեդարձին Նուիրուած Բացառիկ Համերգ
Published - 9 October 2018

Ուրախութեամբ կ’ուզենք յայտնել մեր սիրեցեալ հայորդիներուն, որ Ուրբաթ, 9 Նոյեմբեր 2018-ին, հանդիսապետութեամբ Հիւսիսային Ամերիկայի Արեւմտեան Թեմի Առաջնորդ՝ Գերշ. Տ. Յովնան Արք. Տէրտէրեանի, Սրբոց Ղեւոնդեանց Մայր Տաճարին մէջ տեղի պիտի ունենայ Խաչատուրեան Դ. Դաս Երգչախումբի Հիմնադրութեան 40-րդ տարեդարձին նուիրուած բացառիկ համերգ։ Համերգի ընթացքին պիտի հնչեն Մաժակ Թօշիկեանի ստեղծագործութիւնները, կատարողութեամբ՝ Խաչատուրեան երկսեռ երգչախումբի եւ ղեկավարութեամբ՝ Բարշ. Ստեփան Սրկ. Կէօզիւմեանի։ Մուտքը ազատ է։

Իսկ Կիրակի, 18 Նոյեմբեր 2018-ին, Թեմիս Առաջնորդին հովանաւորութեամբ, դարձեալ երգչախումբիս հիմնադրութեան 40-ամեակին առթիւ, Սուրբ եւ անմահ Պատարագի պիտի մատուցանէ Հայաստանի Գուգարաց Թեմի Առաջնորդ՝ Գերշ. Տ. Սեպուհ Արք. Չուլջյան, իսկ երգեցողութիւնը պիտի կատարէ Խաչատուրեան Դ. Դ. Երգչախումբը։

Հրաւիրուած են մեր Եկեղեցւոյ բոլոր զաւակները՝ մասնակից դառնալու թէ՛ Սուրբ Պատարագին եւ թէ Խաչատուրեան երգչախումբի 40-ամեակին նուիրուած համերգին։

Դիւան Առաջնորդարանի

Print